Thursday, July 17, 2008
രുദ്രാക്ഷം
രുദ്രാക്ഷമാല കാണാത്തവര് വിരളമായിരിക്കും. രുദ്രാക്ഷത്തെ കുറിച്ച് കൂടുതല് മനസ്സിലാക്കാന് ആരെങ്കിലും ശ്രമിച്ചിട്ടുണ്ടോ. ഇല്ലെങ്കില് ഇതാ ചെറിയൊരു വിവരണം.ഹൈന്ദവ വിശ്വാസ പ്രകാരം വിശുദ്ധമായ സ്ഥാനമാണ് രുദ്രാക്ഷത്തിനുള്ളത്. രുദ്രാക്ഷം എന്ന പേരിന്റെ ഉത്ഭവത്തെ കുറിച്ച് വിശദീകരിക്കുമ്പോള് ഇത് മനസ്സിലാക്കാന് കഴിയും. “രുദ്രന്” എന്നാല് മഹേശ്വരന്. “അക്ഷ” എന്നാല് കണ്ണീര്. പരമേശ്വരന്റെ കണ്ണീരില് നിന്നാണ് രുദ്രാക്ഷ വൃക്ഷം ഉണ്ടായതെന്നാണ് വിശ്വാസം.പല മുഖങ്ങള് (വശങ്ങള്) ഉള്ള രുദ്രാക്ഷങ്ങള് ലഭ്യമാണ്. രുദ്രാക്ഷം ധരിക്കുന്നത് ഗ്രഹദോഷങ്ങളെ അകറ്റാന് സഹായിക്കുമെന്നാണ് ശാസ്ത്രങ്ങള് പറയുന്നത്. ഒന്നു മുതല് 38 മുഖം വരെയുള്ള രുദ്രാക്ഷങ്ങള് ഉണ്ട്. ഇതില് 14 മുഖം വരെയുള്ളതാണ് ജ്യോതിഷപരമായ ഫലസിദ്ധികള്ക്ക് വേണ്ടി ഉപയോഗിച്ചുവരുന്നത്.ധരിക്കാന് വേണ്ടി മുഖങ്ങളുള്ള രുദ്രാക്ഷം തെരഞ്ഞെടുക്കുമ്പോള് ശ്രദ്ധിക്കേണ്ടതുണ്ട്. ഓരോ തരം രുദ്രാക്ഷങ്ങള്ക്കും ഓരോ ഫലമായിരിക്കും ഉണ്ടാവുക. ജാതകന് ചേരുന്ന രുദ്രാക്ഷം തന്നെ തെരഞ്ഞെടുത്ത് ഉപയോഗിക്കാന് ശ്രദ്ധിക്കുക.
സ്വകാര്യങ്ങള് മറ്റുള്ളവരോട് പറയമ്പോള്
നമ്മള് നമ്മുടെ സ്വകാര്യങ്ങള് മറ്റുള്ളവരോട് പറയാറുണ്ട്. അവര് അത് എങ്ങനെയാണ് ഉള്ക്കൊള്ളുന്നത്. അവര് അത് രഹസ്യമാക്കി വക്കുമോ അതോ പരസ്യമാക്കുമോ. നമ്മള് പറയുന്നത് ശ്രദ്ധിക്കുന്നതായീ അഭിനയിക്കയാണോ, അതോ യഥാര്ത്ഥത്തില് ശ്രദ്ധിക്കയാണോ?അല്ലെങ്കില് നമ്മുടെ കൂട്ടുകാരോ വേണ്ടപ്പെട്ടവരോ നമ്മോട് പറയുന്ന കാര്യങ്ങള് നമ്മള് ശ്രദ്ധിക്കുന്നതായി അഭിനയിച്ച് വേറെ കാര്യങ്ങള് ചിന്തിച്ചിരിക്കയാണോ?ക്ഷമയുള്ള ഒരു കേള്വിക്കാരന് മാത്രമേ നല്ല ഒരു സുഹൃത്ത് ആകാന് സാധിക്കയുള്ള. മറ്റുള്ളവരുടെ സൗഹൃദം സമ്പാദിക്കാനുള്ള വളരെ നല്ല മാര്ഗ്ഗം നല്ലൊരു സംഭാക്ഷണ ചതുരനെന്നതിലുപരി നല്ലോരു ശ്രേതാവാകുക എന്നതാണ്. നമ്മള് കൂടുതല് സംസാരിക്കുമ്പോള് അത് കേള്ക്കുന്നയാളെ ബോറടിപ്പിക്കയാണ് ചെയ്യുന്നത്. എന്നാല് അയാള് പറയുന്നത് കേള്ക്കുന്നതിലൂടെ നമ്മള് അയാളുടെ സൗഹൃദവും ആദരവും സമ്പാദിക്കുന്നു. കുറച്ചു സംസാരിക്കുകയും കൂടുതല് കേള്ക്കുകയും ചെയ്യുന്നവനാണ് നല്ല സംഭാക്ഷണവിദഗ്ദന്. അങ്ങനെ ഒരാളാകണമെങ്കില് ചില `അരുതുകള്` ഒഴിവാക്കണം. വിധിക്കുകയും വിലയിരുത്തുകയും അരുത്. കുറ്റം കണ്ടുപിടിക്കുന്ന ശീലം അരുത്. പ്രക്ഷുബ്ദത അരുത്. സദാചാരവാദമോ ഉപദേശപ്രസംഗമോ അരുത്. ആവശ്യമില്ലാതെ ഉപദേശത്തിന് തുനിയരുത്. ഇടയില് കയറി പറയരുത്. ഇനി കാര്യത്തിലേക്കു വരാം. ജ്യോതിഷപരമായി ഏതു രാശിക്കാരാണ് നല്ല കേള്വിക്കാരന് അഥവാ നല്ല സുഹൃത്ത്, ആവശ്യത്തിന് സഹായിക്കുന്നയാള്, പ്രശ്നങ്ങളില് നിന്നും രക്ഷപ്പെടാന് ഉപായം പറഞ്ഞു തരുന്നയാള് എന്നു നോക്കാം. ചിലര് വലിയ സംസാരപ്രിയരായിരിക്കും, ആവശ്യത്തിന് ഉപകരിക്കില്ല. ചിലര് സംസാരിക്കില്ല, എന്നാല് വേണ്ട സഹായം ചെയതു തരികയും ചെയ്യും. അതിന് ഓരോ രാശിയേയും വിലയിരുത്താം. മേടം രാശി. മേടം രാശിക്കാര്ക്ക് ക്ഷമ പൊതുവേ കുറവാണ്. മറ്റുള്ളവരുടെ പ്രശ്നങ്ങളും, അഭിപ്രായങ്ങളുമൊന്നും കേള്ക്കാന് സമയവും ക്ഷമയും ഇല്ലായെന്നു തന്നെ പറയാം. മറ്റുള്ളവര് പറയുന്നത് നമ്മെയും ബാധിക്കുന്നതാണെങ്കില് വളരെ ശ്രദ്ധാപൂര്വ്വം കേള്ക്കുകയും പിന്നീട് അവരെ ഫോണിലൂടെയും, മെസ്സേജ്കളിലൂടെയും നെരിട്ടും ബന്ധപ്പെടാനുമൊക്കെ ഉത്സാഹമായിരിക്കും. അവരെ സഹായിക്കാനും മുമ്പില് തന്നെ കാണും. ഇനി നമ്മുടെ കുറവുകളെ പറ്റിയാണ് പരാമര്ശമെങ്കിലോ പിന്നെ എങ്ങനെയെങ്കിലും അവിടെ നിന്നും രക്ഷപ്പെട്ടാല് മതിയെന്നാവും. അതിനാല് രഹസ്യം പറയാനോ സ്വല്പ്പ ആശ്വാസം ലഭിക്കാനോ കഴിയുന്നതും മേടം രാശിക്കാരെ സമീപിക്കാതിരിക്കുവാന് ശ്രമിക്കുക. രാശിയില് ശൂഭഗ്രഹ ബന്ധം ഉ�െങ്കില് മേല് പറഞ്ഞതില് നിന്നും കുറച്ചു മാറ്റങ്ങള് ഉ�ാകും. ഇടവം രാശിഇടവം രാശിക്കാര് വളരെ ക്ഷമയുള്ളവരാണ്. എത്ര മണിക്കൂര് വേണമെങ്കിലും മറ്റുള്ളവര്ക്ക് വേ�ി ചിലവഴിക്കാന് ഇവര്ക്ക് മടിയു�ാകില്ല. അതുകൊണ്ട് ഇടവം രാശിക്കാരെ നിങ്ങള്ക്ക് സമീപിക്കാം. എന്തു സഹായകവും പ്രതീക്ഷിക്കാം. പക്ഷെ അത് അവര്ക്ക് നഷ്ഠമില്ലാത്തതാകണം എന്നു നിര്ബ്ബദ്ധമുണ്ട്. ഒരു പ്രത്യേക ചിന്താഗതിക്കാരായതുകൊണ്ട് അവര്ക്കൂം കൂടി ചെറുതായെങ്കിലും താല്പര്യമുള്ളവയാകണം ചര്ച്ച. അല്ലെങ്കില് നിങ്ങള് പറയുന്നത് ശ്രദ്ധിക്കയാണെന്ന് നിങ്ങള്ക്ക് തോന്നുമെങ്കിലും അവരുടെ മനസ്സ് ഇതിലായിരിക്കയില്ല. നിങ്ങള്ക്ക് അവരുടെ സഹതാപവും ലഭിക്കില്ല. നല്ല നിറമുള്ള വസ്ത്രങ്ങള്, വാഹനം, ആഭരണം, സ്വാദിഷ്ഠവും വിലകൂടിയതുമായ ആഹാരം, വിനോദപരമായ കാര്യങ്ങള് തുടങ്ങിയവയെ കുറിച്ചാണെങ്കില് വളരെ വാചാലമായി സംസാരിക്കാന് ഇടവം രാശിക്കാര്ക്ക് വലിയ ഉത്സാഹമായിരിക്കും.മിഥുനം രാശിമിഥുനം ബുധന്െറ രാശിയായതിനാലും വായുരാശിയായതിനാലും വലിയ സംസാരപ്രിയരാണ്. സൂര്യന് താഴെയുള്ളതും മുകളിലുള്ളതും തുടങ്ങി ഏതി വിഷയവും കൈകാര്യം ചെയ്യാന് ഇവര് മിടുക്കരാണ്. ആ അറിവ് നേടുന്നതിന് വേ�ി സമയം ചെലവഴിക്കയും ചെയ്യും. വായു രാശിയായതിനാല് മനസ്സ് എപ്പോഴും വലിയ കാര്യങ്ങളിലും ആകാശത്തും ആയിരിക്കും. അതിനാല് ചുറ്റും നടക്കുന്ന കാര്യങ്ങള് പലതും ഇവര് അറിയാറില്ല. അതിനാല് നിങ്ങള്ക്ക് വ്യക്തിപരമായ കാര്യങ്ങള് സംസാരിക്കാനും അതിന് പരിഹാരം നേടാനും മിഥുനം രാശിക്കാരെ സമീപിക്കാതിരിക്കുന്നതാണ് നല്ലത്. കാരണം ഇവര് അറിയാതെ തന്നെ നിങ്ങളുടെ രഹസ്യങ്ങള് മറ്റുള്ളവരോട് പറഞ്ഞൂയെന്ന് വരും. അത് പ്രശ്നമാക്കുകയും ചെയ്യും. ഇവര്ക്ക് ആരോട് എന്ത് എങ്ങനെ സംസാരിക്കണം, എപ്പോള് സംസാരം നിറുത്തണം എന്നിവയെപ്പറ്റിയുള്ള അറിവ് കുറവാണ്. സ്വയം അറിയാതെ നുണ പ്രചാരകരാവുകയായിരിക്കും ഫലം. കര്ക്കിടകം രാശികര്ക്കിടകം രാശിക്കാരോട് സ്വന്തം അമ്മയോട് പറയുന്നത് പോലെ കാര്യങ്ങള് പറയാം. എപ്പോഴും മറ്റുള്ളവരെ സഹായിക്കാനും സ്വന്തം കഴിവ് ഉപയോഗിച്ച് അവരെ സംരക്ഷിക്കാനും, ദുഃഖ കരമായ കാര്യമാണ് പറയുന്നതെങ്കില് അവരോടൊന്നിച്ചിരുന്നു കരയാനും കര്ക്കിടകം രാശിക്കാര് ഉ�ാകും. മറ്റുള്ളവരെ മനസ്സിലാക്കുന്നതിനും സഹതപിക്കാനും കഴിയുന്ന സഹായം ചെയ്യാനും ആത്മാര്ത്ഥമായി തന്നെ ഇവര് മുന്നിലുണ്ടാകും. നിങ്ങളുടെ രഹസ്യങ്ങള് ഇവരില് ഭദ്രമായിരിക്കും. എന്തെങ്കിലും കാരണവശാല് കര്ക്കിടക്കാരുമായി പിണങ്ങിയാല് പിന്നെ നിങ്ങളുടെ രഹസ്യങ്ങള് അങ്ങാടിപ്പാട്ടായതു തന്നെ. ചിങ്ങം രാശിചിങ്ങം രാശിക്കാര് മറ്റുള്ളവരുടെ പ്രശ്നങ്ങള് കേള്ക്കാനും അവരെ സഹായിക്കാനും വളരെ താല്പര്യമെടുക്കുന്നവരാണ്. പക്ഷെ കാര്യം ഗൗരവമുള്ളതാകണം. നിസ്സാര കാര്യങ്ങള്ക്ക് സമയം കളയാന് അവര്ക്ക് താല്പര്യം ഇല്ല. കൂടാതെ അവരോട് സംസാരിക്കുമ്പോള് വികാരഭരിതരാകാതിരിക്കാന് ശ്രദ്ധിക്കണം. അതൊന്നും അവര്ക്ക് ഇഷ്ഠമില്ലാത്തവയാണ് എന്നു മാത്രമല്ല, നിങ്ങളുടെ കാര്യങ്ങള്ക്ക് എതിരായെന്നും വരാം. നിങ്ങള്ക്ക് കാര്യത്തിന്െറ ഗൗരവം അവരെ പറഞ്ഞു മനസ്സിലാക്കുവാന് സാധിച്ചാല് എങ്ങിനെയും നിങ്ങളെ സമാധാനിപ്പിക്കാനും സഹായിക്കാനും അവര് തയ്യാറാകും. വളരെ നല്ല ഒരു സമൂഹിക പ്രവര്ത്തകനാകാന് ശ്രമിക്കുന്നവരാണ് ചിങ്ങം രാശിക്കാര്.കന്നി രാശികന്നി രാശിക്കാര് വളരെ നല്ല കേള്വിക്കാരാണ്. നിങ്ങള് പറയുന്ന കാര്യങ്ങള് ശ്രദ്ധിക്കന്നതോടൊപ്പം തന്നെ അത് എങ്ങനെ കൈകാര്യം ചെയ്യാമെന്നും, അതില് വരാവുന്ന ഭവിഷ്യത്തുകളും മനസ്സില് ആലോചിക്കുണ്ടാകും. നിങ്ങള് പറഞ്ഞു കഴിയുമ്പോഴേക്കും ആ പ്രശ്നം പരിഹരിക്കാനുള്ള വഴിയും, അല്ലെങ്കില് അതിനാവശ്യമായ വിവരങ്ങളും കന്നിരാശിക്കാര് പറയും. അത് നിങ്ങള്ക്ക് ആശ്വാസം പകരുകയും ചെയ്യും. സംശയം ഇല്ലാത്ത രീതിയിലായിരിക്കും പറയുക. അതില് പ്രായോഗിക വശങ്ങള്ക്ക് പ്രാധാന്യവും ഉണ്ടാകും. വൈകാരികമായ കാര്യങ്ങള്ക്ക് കന്നിക്കാരുടെ മുമ്പില് വലിയ സ്ഥാനമില്ല. നിങ്ങള് ഇഷ്ഠപ്പെട്ടാലും ഇല്ലെങ്കിലും ശരി അവര്ക്ക് ശരി എന്നു തോന്നുന്നത്് മുഖത്തു നോക്കി പറയുകയും ചെയ്യും. തുലാം രാശിവിശ്വസിക്കാവുന്ന ആള്ക്കാരാണ് തുലാം രാശിക്കാര്. എല്ലാ കാര്യങ്ങളുടെയും രണ്ടു വശവും ചിന്തിച്ച് മാത്രമേ അവരൂടെ അഭിപ്രായം പറയുകയുള്ളു. അവരോട് ഒരു പ്രശ്നത്തെപ്പറ്റി സംസാരിക്കയാണെങ്കില് അതില് നിങ്ങള് മനസ്സില് പോലും ഉദ്ദേശിക്കാത്ത അപകടസാധ്യതകള് ഉ�െങ്കില് അതിനെപ്പറ്റി തുലാം രാശിക്കാര് പറഞ്ഞു തരും. നിങ്ങളുടെ ഭാഗത്താണ് തെറ്റെങ്കില് അവരില് നിന്നും അനുകമ്പയൊന്നും പ്രതീക്ഷിക്കണ്ട. മുഖത്തു നോക്കി അവര്ക്ക് പറയാനുള്ളത് പറയും. നിങ്ങള് മനസ്സു തുറക്കുന്നത് നിങ്ങള്ക്ക് സംഭവിച്ച ചതിയെപ്പറ്റിയോ, അപകടത്തെപ്പറ്റിയോ, നഷ്ഠത്തെപ്പറ്റിയോ, അതേപോലെ മനസ്സിനെ മഥിക്കുന്ന കാര്യമാണെങ്കില് ഈ രാശിക്കാരുടെ മനസ്സ് അലിയും, വേണ്ട സഹായവും ചെയ്തു തരും. ഒരു കൂട്ടായ ചര്ച്ച തുലാം രാശിക്കാരുടെ നേതൃത്ത്വത്തില് നടക്കുകയാണെങ്കില് ആ സദസ്സിലുള്ള എല്ലാവര്ക്കും അഭിപ്രായം പറയാന് ഇക്കൂട്ടര് സൗകര്യം ചെയതു കൊടുക്കയും ചെയ്യും. വൃശ്ചികം രാശിമറ്റുള്ളവരുടെ പ്രശ്നങ്ങള് കേള്ക്കാന് താല്പ്പര്യം കൂടുതലുള്ള ആള്ക്കാരാണ് വൃശ്ചികം രാശിക്കാര്. നിങ്ങളുടെ പ്രശ്നത്തെപ്പറ്റി വളരെ നന്നായി മനസ്സിലാക്കാന് ശ്രമിക്കയും പ്രശ്നം കൂടുതല് സങ്കീര്ണമാണെങ്കില് നിയമവിരുദ്ധമായി പോലും നിങ്ങളെ സഹായിക്കാന് ഇവര് ഇറങ്ങിത്തിരിക്കും. കൂട്ടത്തില് നിങ്ങളുടെ വളരെയധികം രഹസ്യങ്ങളും ഇവര് മനസ്സിലാക്കിയിരിക്കും. പക്ഷെ ഇവരെ വിശ്വസിക്കാം. അവര് ചെയ്യുന്നതുപോലെ അവര്ക്ക് ഒരു ആവശ്യം വന്നാല് നിങ്ങളില് നിന്നും ഇതേ സഹായം ഇക്കൂട്ടര് പ്രതീക്ഷിക്കയും ചെയ്യും. നിങ്ങളും തിരിച്ച് സഹായിച്ചാല് വൃശ്ചികം രാശിക്കാരെ പോലെ സഹായിക്കുന്ന കൂട്ടുകാര് വേറെ കാണുകയില്ല. അതിനാല് ഇവരോടു പിണങ്ങാതെയുമിരിക്കാന് ശ്രദ്ധിക്കുക. ധനു രാശിചുറുചുറുക്കും സന്തോഷവാന്്മാരുമായ ധനു രാശിക്കാര് എപ്പോഴും മറ്റുള്ളവരെ സഹായിക്കാനും അവരുടെ പ്രശ്നങ്ങള് പരിഹരിക്കാനും മുമ്പില് തന്നെ കാണും. നല്ല കേള്വിക്കാരായ അവരോട് സംസാരിച്ചാല്ത്തന്നെ നിങ്ങളുടെ പ്രശ്നങ്ങള്ക്ക് പകുതി ആശ്വാസം കിട്ടും. നിങ്ങളുടെ കാര്യങ്ങള് ക്ഷമയോടെ കേള്ക്കുമെന്നു മാത്രവുമല്ല, നിങ്ങളുടെ രഹസ്യങ്ങളും അവരില് ഭദ്രമായിരിക്കും. അവരോട് സംസാരിക്കുന്നത് തന്നെ ഒരു അനുഭവമായിരിക്കും. കൂട്ടു ചര്ച്ചകളില് നേതൃത്വം പലപ്പോഴും അവര്ക്കായിരിക്കും. മകരം രാശിപൊതുവേ ക്ഷമ കുറവുള്ളവരാണ്. അവരുടെ സമയത്തിനും വലിയ വിലയുണ്ട് എന്ന് ധരിക്കുന്നവരാണ്. അവരോട് സംസാരിക്കുമ്പോള് കഴിയുന്നതും മുഖവുര ഒഴിവാക്കുക. കേള്ക്കുന്നതിനെക്കാലും അവര്ക്ക് സംസാരിക്കാനിഷ്ഠം. എങ്കിലും നിങ്ങളുടെ പ്രശ്നങ്ങള്ക്ക് ഉചിതമായതും പ്രായോഗികമായതുമായ പരിഹാരം അവര് നല്കും. അവര്ക്കും കൂടി ഇഷ്ഠമുള്ള വിഷയമാകണം എന്നത് നിര്ബ്ബദ്ധമാണ്. അവര്ക്ക് ഒരു പരിധിയില് താഴെയുള്ളവരുമായി ഇടപഴുകുവാന് വലിയ പ്രയാസമാണ്. അതിനാല് ഒരേ കാര്യം തന്നെ അവരോട് വീണ്ടും പറയാതിരിക്കാനും ശ്രദ്ധിക്കണം. കുംഭം രാശിസ്വന്തം വ്യക്തിത്വം നിലനിറുത്തുന്നതില് വളരെ ശ്രദ്ധാലുക്കളാണ് കുംഭം രാശിക്കാര്. അവര്ക്ക് ഒരു പ്രത്യേക വൂക്തിത്വം ഉ�െന്നു തന്നെ പറയാം. അതിനാല് തന്നെ സംസാരപ്രിയരുമല്ല. കുറച്ചേ സംസാരിക്കയുള്ളൂ. പറയുന്നത് കുറിക്കു കൊള്ളുകയും, മറ്റുള്ളവരെ ആകര്ഷിക്കയും ചെയ്യും. നിങ്ങള് ഈ രാശിക്കാരോടാണ് സംസാരിക്കുന്നതെങ്കില് ആ വിഷയത്തിന് വ്യക്തത വേണം. ഊഹാപോഹങ്ങള് ഒന്നും കുംഭം രാശിക്കാര്ക്ക് വേ�. തെളിവുകള് വേണം. അവര് കാര്യങ്ങള് ചോദിച്ചറിയുകയും അവരുടെ സഹായവും സഹതാപവും നിങ്ങള്ക്ക് തരികയും ചെയ്യും. അവരുടെ മുമ്പില് കരയാനോ, വികാരഭരിതരാവുകയോ ചെയതിട്ട് പ്രയോജനമില്ല. അല്ലാതെ തന്നെ നിങ്ങളെ ആശ്വസിപ്പിക്കാന് അവര്ക്കറിയാം.മീനം രാശിജലരാശിക്കാരായ ഇവര്ക്ക് നിങ്ങളുടെ പ്രശ്നങ്ങള്ക്ക് വളരെ നല്ല കേള്വിക്കാരാകാന് സാധിക്കും. നിങ്ങളുടെ പ്രശ്നം വളരെ സങ്കീര്ണമാണെങ്കില് നിങ്ങളുടെ കൂടെ കരയാനും ഇവര് ഒപ്പമുണ്ടാകും. നിങ്ങളുടെ പ്രശ്നം അവര് ഗൗരവമായി തന്നെ വിലയിരുത്തുമെങ്കിലും നിങ്ങള്ക്കാവശ്യമായ ഉപദേശങ്ങള് തരാനൊന്നും ഇവര്ക്കാകില്ല. അവര് അതിന് നിസ്സഹായരാണ്. അതിനാല് കഴിയുന്നതും വികാരഭരിതവും കദനകഥകള് ഉള്പ്പെടുന്നതുമായ കാര്യങ്ങള് ഇവരുമായി ആലോചിക്കാതിരിക്കുന്നതാണ് നന്ന്. ചിലപ്പോള് ഇവര് അത് ഗൗരവമായി എടുക്കുകയും അത് അനുകമ്പാപൂര്വ്വം മറ്റുള്ളവരോട് പറയുകയും ചെയ്യും. ഇവര് നിങ്ങളുടെ പ്രശ്നത്തില് കേള്വിക്കാരനായി എന്ന കാരണം കൊണ്ട് തന്നെ നിങ്ങളെ നില നിറുത്തുന്നതു തന്നെ ഇവരാണ് എന്ന് പറഞ്ഞുകളയും
തുളസിക്കതിര് ചൂടാന്
കവിയുടെ ഭാവനയില് തുളസിക്കതിര് തുമ്പു കെട്ടിയിട്ട പ്രണയിനിയുടെ ചുരുള് മുടി തുമ്പില് അലങ്കാരമാവുന്നു. ഇത്തരത്തില് മുടിത്തുമ്പില് സുഗന്ധവാഹിയായ ഒരു തുളസിക്കതിര് ചൂടാന് സ്ത്രീകള് ആഗ്രഹിച്ചാലും തെറ്റുപറയാനില്ല.എന്നാല്, ഹൈന്ദവാചാര പ്രകാരം മുടിയില് തുളസിക്കതിര് ചൂടുന്നത് തെറ്റാണ്. വിഷ്ണു പാദത്തില് എത്തിച്ചേരാനാണ് തുളസി എപ്പോഴും ആഗ്രഹിക്കുന്നത്. അതിനാല് മഹാവിഷ്ണുവിന്റെ പാദത്തില് അര്പ്പിക്കപ്പെടാനാണ് എപ്പോഴും ആഗ്രഹിക്കുക.വിഷ്ണുചരണങ്ങളില് അര്പ്പിതമായ ശേഷം മുടിയില് ചൂടുന്നത് കുഴപ്പമില്ല എന്നാണ് ആചാര്യമതം. അതല്ല എങ്കില്, തുളസീശാപം ഉണ്ടാവുമെന്നും അതുവഴി ചൂടുന്ന ആളിന് ദോഷമുണ്ടാവുമെന്നുമാണ് വിശ്വാസം.ഭാരതീയ ആചാരപ്രകാരം സ്ത്രീകള്ക്ക് തലയില് ദശപുഷ്പം ചൂടാം. കയ്യോന്നി, നിലപ്പന, കറുക, മുയല്ച്ചെവി, പൂവാംകുറുന്തല, വിഷ്ണുക്രാന്തി, ചെറുള, തിരുതാളി, ഉഴിഞ്ഞ,മുക്കൂറ്റി എന്നിവയാണ് ദശപുഷ്പങ്ങള്.
ഗായത്രീജപം
ഋഗ്വേദത്തിലെ ഗായത്രീ മന്ത്രജപത്തോടെയാണ് ബ്രാഹ്മണര്ക്ക് ദ്വിജത്വം ലഭിക്കുന്നത് എന്നാണ് വിശ്വാസം. ഹിന്ദുക്കള് സന്ധ്യാ സമയത്ത് ഗായത്രീ മന്ത്രം ജപിക്കുന്നത് ഉത്തമമെന്ന് കരുതുന്നു.“ഓം ഭുര് ഭുവ: സ്വ:തത് സവിതുര് വരേണ്യംഭര്ഗോ ദേവസ്യ ധീമഹിധീയോ യോ ന: പ്രചോദയാത്” മുകളില് പറഞ്ഞിരിക്കുന്നതാണ് പൂര്ണമായ ഗായത്രീ മന്ത്രം. പ്രണവ മന്ത്രമായ ഓം കാരം കൊണ്ട് നമസ്കരിച്ച്, ഭൂമി, പിതൃലോകം, സ്വര്ഗ്ഗം എന്നിവയെ പ്രകാശിപ്പിക്കുന്ന സൂര്യ തേജസ്സിനെ ഞാന് ധ്യാനിക്കുന്നു. ആ തേജസ്സ് ഞങ്ങളുടെ ബുദ്ധിയെയും പ്രകാശിപ്പിക്കട്ടെ എന്നാണ് ഗായത്രീ മന്ത്രം അര്ത്ഥമാക്കുന്നത്.പകല് സമയത്ത് ഉണ്ടായിപ്പോയ ദോഷങ്ങള് അകറ്റാന് സന്ധ്യാ സമയത്തും തമസ്സിലാണ്ട മനസ്സിനെ പ്രകാശത്തിലേക്ക് നയിക്കാന് പ്രഭാതത്തിലും ഗായത്രീ മന്ത്രം ജപിക്കുന്നു. നൂറ്റിയെട്ട് തവണ വരെ ഗായത്രീ മന്ത്രം ഉരുക്കഴിക്കാവുന്നതാണ്. കുറഞ്ഞത്, പത്തു തവണയെങ്കിലും ഉരുക്കഴിക്കണം.ഈ മന്ത്രത്തിലെ ഭു: ശബ്ദം ഭൂമിയെ പ്രതിനിധാനം ചെയ്യുന്നു. ഭൂമി ഇഹലോക സുഖത്തെയും ഭുവര് ലോകം പരലോക സുഖത്തെയും സ്വര്ഗ്ഗ ശബ്ദം മോക്ഷ സുഖത്തെയും ദ്യോതിപ്പിക്കുന്നു. ഇഹലോക സുഖവും പരലോക സുഖവും മോക്ഷവും നല്കുന്ന സൂര്യ തേജസ്സ് പരമാത്മാവ് തന്നെയാണെന്നും ആ പരമാത്മാവിനെ ധ്യാനിച്ചാല് ഈ സുഖങ്ങളെല്ലം ലഭിക്കുമെന്നും ഗായത്രീ മന്ത്രത്തിന് ആന്തരീകാര്ത്ഥവും നല്കാം.സ്ത്രീകള്ക്കും ഗായത്രീ മന്ത്രജപം നടത്താമെന്നാണ് പണ്ഡിതമതം. പ്രഭാത സന്ധ്യയിലും പ്രദോഷ സന്ധ്യയിലും ഗായത്രീ മന്ത്ര ജപം നടത്താം എന്നാല് രാത്രികാലങ്ങളില് പാടില്ല. നിത്യവും ഗായത്രീ മന്ത്ര ജപം നടത്തുന്നവര്ക്ക് ഗ്രഹദോഷങ്ങളില് നിന്ന് മുക്തി ലഭിക്കുമെന്നാണ് വിശ്വാസം.
ശ്രീവരാഹ ജയന്തി
2008 ലെ ശ്രീവരാഹ ജയന്തി - അവതാര ദിനം - ഏപ്രില് 25 നാണ്. വിഷ്ണു ഭക്തര് ഈ ദിവസം വ്രതാനുഷ്ഠാനങ്ങളിലൂടെ ആചരിക്കുന്നു.കേരളത്തിലെ വിരലിലെണ്ണാവുന്ന വരാഹ ക്ഷേത്രങ്ങളില് (അവയിലൊന്ന് തിരുവനന്തപുരത്തെ ശ്രീവരാഹം ക്ഷേത്രമാണ്). പ്രത്യേക പൂജകളും ആഘോഷ പരിപാടികളും നടക്കും. ഭൂലോകം സമുദ്രത്തില് താഴ്ത്തിയ ഹിരണ്യാക്ഷനെന്ന അസുരനെ നിഗ്രഹിക്കാന് മഹാവിഷ്ണു പന്നിയുടെ രൂപം കൈക്കൊണ്ടുവെന്നതാണ് വരാഹാവതാരത്തിനു കാരണം .ഭൂമിയെ രക്ഷിക്കാനായിരുന്നു വിഷ്ണുവിന്റെ അവതാരംവരാഹ മൂര്ത്തി ഹൈന്ദവ വേദപുരാണങ്ങളില് എല്ലാം ആരാധിക്കുന്ന ദേവതാ സങ്കല്പമാണ്. വരാഹാവതാരം രണ്ട് തവണ നടന്നു. ഈ കല്പത്തില് - ബ്രഹ്മദിനത്തില് - തന്നെ വരാഹമൂര്ത്തി രണ്ട് തവണ അവതരിച്ചു. വെളുത്ത വരാഹമായും കറുത്ത വരാഹമായും.രണ്ട് തവണയും ഭൂമിയുടെ രക്ഷയായിരുന്നു അവതാരോദ്ദേശം. ആദ്യത്തെ അവതാരം ബ്രഹ്മാവിന്റെ മൂക്കില് കൂടെ പുറത്തുവന്ന വെളുത്ത പന്നിക്കുട്ടനായിരുന്നു. അന്നും വരാഹം ഭൂമിയെ സര്വ നാശത്തില് നിന്ന് രക്ഷിച്ചു. അതുകൊണ്ട് ഈ അവതാരത്തെ ശ്വേത വരാഹമെന്നും ഈ കല്പത്തെ ശ്വേതവരാഹ കല്പമെന്നും പറയുന്നു. ഭൂമിയെ രക്ഷിക്കാനുള്ള വരാഹത്തിന്റെ രണ്ടാം വരവ് കറുപ്പനായാണ്. വിഷ്ണുവിന്റെ ദശാവതാരങ്ങളില് പെട്ട വരാഹ മൂര്ത്തി ഇതാണ്. കടലില് നിന്നും ഉയര്ന്നു പൊങ്ങിയാണ് ഈ മൂര്ത്തിയുടെ വരവ്. ഹിരണ്യാക്ഷന് ഗദ കൊണ്ടു സമുദ്രത്തെ ഇളക്കി മറിച്ചു. വരുണന് വിഷ്ണുവിനോട് സങ്കടമുണര്ത്തി. വിഷ്ണു വരാഹമായി അവതരിച്ച് ഹിരണ്യാക്ഷനോടടുത്തു. അവന് ഭൂമിയും എടുത്തുകൊണ്ട് പാതാളത്തിലേക്കോടി.ഭൂമിയെ വെള്ളത്തില് മുക്കി നശിപ്പിക്കാന് ശ്രമിച്ച ഹിരണ്യാക്ഷനെ വരാഹം വകവരുത്തി. ആയിരം കൊല്ലത്തെ യുദ്ധം വേണ്ടിവന്നു ഹിരണ്യാക്ഷനെ തോല്പ്പിക്കാന്. പിന്നെ ഭൂമിയെ വേണ്ട സ്ഥാനത്ത് യുക്തമായ സഞ്ചാര പഥത്തില് കൊണ്ടുചെന്നാക്കി അവതാര ദൗത്യം പൂര്ത്തിയാക്കി.
മാടമ്പി
മോഹന്ലാല് എന്ന നടന് എത്രത്തോളം സ്വീകാര്യതയുണ്ടെന്ന് തെളിയിക്കാന് മാടമ്പി എന്ന ചിത്രം പ്രയോജനപ്പെട്ടേക്കാം. കാലങ്ങളായി കുന്നും മലയും കയറിയിറങ്ങി നമ്മുടെ മുന്നില് പ്രത്യക്ഷപ്പെട്ട കഥകള് വീണ്ടും നമ്മുടെ മുന്നില് വലിയ മാറ്റമൊന്നുമില്ലാതെ ഈ ചിത്രത്തില് അവതരിപ്പിച്ചിരിക്കുന്നു.തമിഴില് രജനീകാന്ത് അവതരിപ്പിക്കുന്ന നാടന് മണമുള്ള കഥാപാത്രങ്ങള് എത്രവേണമെങ്കിലും സ്വീകരിക്കാന് പ്രേക്ഷകര്ക്ക് വിസമ്മതമില്ല. ബാലേട്ടനില് നിന്ന് വലിയ മാറ്റത്തിനൊന്നും വിധേയനാക്കാതെ സംവിധായകന് ബി ഉണ്ണികൃഷ്ണന് ലാലിനെ മാടമ്പിയിലേക്ക് മാറ്റിയിരിക്കുന്നു. ഇവിടെ, ലാല് എന്ന നടന്റെ വ്യക്തി പ്രഭാവം സാമ്പത്തിക നേട്ടമാക്കാനാണ് നിര്മ്മാതാക്കളും സംവിധായകരും ശ്രമിച്ചതെന്ന് പ്രേക്ഷകര് ചിന്തിച്ചാല് തെറ്റു പറയേണ്ടതുണ്ടോ?പത്തനംതിട്ട ജില്ലയിലെ ഇളവട്ടം ഗ്രാമത്തിന്റെ പശ്ചാത്തലത്തിലാണ് മാടമ്പിയുടെ കഥ പുരോഗമിക്കുന്നത്. ഗോപാലകൃഷ്ണപിള്ളയ്ക്ക് ഒറ്റ ചിന്തമാത്രമേ ഉള്ളൂ, പണം ഉണ്ടാക്കുക. ഇതിനു പിന്നില് ഒരു കഥയുണ്ട്-അച്ഛന്റെ പതനം. സ്വത്തെല്ലാം അമ്പലത്തിനും ഉത്സവത്തിനുമായി നീക്കിവച്ച അച്ഛന് പാപ്പരായി. കൂടുതല് സ്വത്തും പിതാവിന്റെ സുഹൃത്ത് കുറുപ്പ് തട്ടിയെടുക്കുകയായിരുന്നു.
വീടിന്റെ മുഴുവന് ഉത്തരവാദിത്തവും ഏറ്റെടുക്കേണ്ടി വന്ന ഗോപാലകൃഷ്ണപിള്ളയുടെ മനസ്സ് ഒരു കരിങ്കല്ലായി മാറുകയായിരുന്നു. പാരലല് കോളജിലെ നല്ലൊരു മലയാള അധ്യാപകനായ പിള്ളയ്ക്ക് പണം പലിശയ്ക്ക് കൊടുക്കുന്ന പരിപാടിയുമുണ്ട്. ആര്ക്കും കടം നല്കും. പണം സമയത്ത് തിരികെ മേടിക്കാന് ഗോപാലകൃഷ്ണപിള്ളയ്ക്ക് നന്നായി അറിയുകയും ചെയ്യാം.
വീടിന്റെ മുഴുവന് ഉത്തരവാദിത്തവും ഏറ്റെടുക്കേണ്ടി വന്ന ഗോപാലകൃഷ്ണപിള്ളയുടെ മനസ്സ് ഒരു കരിങ്കല്ലായി മാറുകയായിരുന്നു. പാരലല് കോളജിലെ നല്ലൊരു മലയാള അധ്യാപകനായ പിള്ളയ്ക്ക് പണം പലിശയ്ക്ക് കൊടുക്കുന്ന പരിപാടിയുമുണ്ട്. ആര്ക്കും കടം നല്കും. പണം സമയത്ത് തിരികെ മേടിക്കാന് ഗോപാലകൃഷ്ണപിള്ളയ്ക്ക് നന്നായി അറിയുകയും ചെയ്യാം.
swagatham
പ്രിയപ്പെട്ട സുഹൃത്തുക്കളെ നിങ്ങള്ക്ക് സ്വാഗതം,
നിങ്ങള്ക്കെല്ലാവര്ക്കും ഒരു നല്ല ദിവസം ആശംസിക്കുന്നു.
എനിക്ക് നിങ്ങളോട് എന്താണ് പറയാനുള്ളത് എന്തിനെപ്പറ്റിയാണ് പറയാനുള്ളത് എനിക്കറിയില്ല, എങ്കിലും നമുക്കെന്തെന്കിലുമ് പറഞ്ഞിരിക്കാം
നിങ്ങള്ക്കെല്ലാവര്ക്കും ഒരു നല്ല ദിവസം ആശംസിക്കുന്നു.
എനിക്ക് നിങ്ങളോട് എന്താണ് പറയാനുള്ളത് എന്തിനെപ്പറ്റിയാണ് പറയാനുള്ളത് എനിക്കറിയില്ല, എങ്കിലും നമുക്കെന്തെന്കിലുമ് പറഞ്ഞിരിക്കാം
Subscribe to:
Comments (Atom)
